Afekrun (Ifker) - Tudert n ughersiw - Mhenna Sehran

 Tudert n uɣersiw: Afekrun

Seg: Mhenna Sehran.
Awal ɣef yiɣersiwen. Sb 22

       Afekrun, yezzuɣur deg tudert-is alamma 200 yiseggasen. Ad iteddu ad yettawi axxam-is s ufella n uɛrur-is, ɣas akken ẓẓay aṭas fell-as, imi n yiɣes aquran. Ikeccem s daxel n ujeɣlal mi ara iḥulfu s umihi iteddu-d s aqerru-s, neɣ mi ara yeṭṭes. 

      Llan kra n yifekrunen annect ila-ten di kra n tmura, ttawḍen alamma d snat n lmitrat di lqedd. Widak d wid yettilin d tama n ugaraw. Ad tafeḍ mgaraden d wigi yellan ɣur-neɣ deg yiḍarren neɣ di temɣer. Ɣur-s aqemmuc ur yesɛi ara tuɣmas, maca igezzem yis iferrawen neɣ imɣan, imi d winna i d tuččit-is.