Taddart-iw - aglam n wadeg
Taddart-iw - Description du lieu

Aɣerbaz El Imam El Hewwari - Aglam n wadeg

Iḍrisen n uselmad n tmaziɣt deg Wehran, Khaled Achoui.
Tasɣunt ASELMAD uṭṭun wis 7. Yebrir 2020

Tamnaḍt n Timgad
Aglam n wadeg

Iḍrisen n uselmad n tmaziɣt deg Wehran, Khaled Achoui.
Tasɣunt ASELMAD uṭṭun wis 7.Yebrir 2020

Khaled Achoui
Aglam n wadeg
Ɣerdaya (Taɣerdayt)

© Image copyright flickr

    Ɣerdaya, d yiwet n twilayt seg twilayin n Lezzayer, s tmaziɣt neqqar-as Taɣerdayt. Tezga-d deg ugafa n tneẓruft (sseḥra) n tmurt-nneɣ. Tebɛed s 600 km ɣef Lezzayer tamanaɣt. Tilisa-ines, seg ugafa ḥerrent-tt-id twilayin i wumi ssawalen tiwwura n sseḥra, Leɣwaṭ akked Ǧelfa, seg umalu d tiwilayin n Lbeyyeḍ d Adrar. Seg usamar d Wergla, ma seg unẓul d Tamenraset. Yuweḍ umḍan n yimezdaɣ n Ɣerdaya ɣer 93423 d amezdaɣ deg useggas n 2008.

Acercar n Yimeɣninen - Aglam n wadeg s tikli - Mass Musuni Ṭayeb
Tasɣunt ASELMAD uṭṭun wis 8. Yennayer 2021

Ssaḥel - Buzgan - Aglam n wadeg

Aglam n wadeg s tikli

Sidhum Kusayla

Aẓru n War

     Aẓru n War, d taddart yellan di lqern wis 18 (1730-1750). Akken i d-ulsen yimɣaren n zik, amezdaɣ amezwaru n taddart-agi qqaren-as, Umniɛ bu Mejjan, qqaren-as akka imi i yesɛa claɣem d imeqqranen yerna bernen.

     Umniɛ bu mejjan iruḥ-d si taddart n Arbi i d-yezgan deg Yiflisen, irewl-d netta akked ukkuẓ n warraw-is, Muḥend, Uhebbi, Saɛdi, akked Sliman. Irewl-d imi as-nɣan akk arraw-is niḍen, yeṭṭef-d abrid-is ileḥḥu, ileḥḥu armi yuweḍ ɣer tlemmast n teẓgi, anda i d-yufa yiwen n uẓru d ameqqran, imir yeqqim yezdeɣ ddaw-as akked warraw-is.

    Semman-as i taddart-agi, Aẓru n War imi yella deg-s yiwen n uẓru d ameqqran, yettidir fell-as wayrad dɣa qqaren-as i taddart-agi Aẓru n Wayrad neɣ akken i as-qqaren tura Aẓru n War.

    Aẓru n War, d taddart di tɣiwant n Mizrana, deg ugezdu n Tizi Uzzu, tebɛed azal n 7 n yikilumitren ɣef temdint n Tegzirt. Aẓru n War, d taddart i d-yezgan ɣef udrar, tezzi- as-d teẓgi si yal tama. Yal tallit deg usseggas, tettak-as udem-is.

    Di tegrest, yeddal-itt udfel amzun d abernus amellal i tersa; di tefsut, tettzegziw akk s yimɣan i d-ifetḥen, imi tafsut d tasemhuyt anda i d-ttuɣal tudert imɣan. Anebdu, d tasemhuyt n uẓɣal maca di taddart-agi ur yettiqsiḥ ara deg-s uẓɣal imi i as-d-ttak tezgi-nni i as-d-yezzin si yal tama abeḥri d tesmuḍi. Amwan, d tasemhuyt anda ttuɣalen yisekla d iwraɣen, imi di tsemhut-agi i asen-ɣellin wafriwen-nsen.

    Gar wayen ideg tufrar taddart-agi ɣef tudrin i as-d-yezzin, d aman-is ḥlawen i d-ittecruruden ddaw n teẓgi yellan si tama ufella n taddart. Llant aṭas n tliwa, yal yiwet s yisem-is, gar-asent : tala, acariǧ, lxezna, lɛinṣer ufella ...

Sabrina - SLIMI Aglam n wadeg s tikli
Targit

24 ɣuct 1947 di Lezzayer.
Saɛid SEƐDI - Aglam n wadeg

Ixxamen n Buluɣin

© Image copyright flickr

    Ccbaḥa akked tezdeg n temdinin neɣ n tudrin skanen-d aswir n yimdanen i tent-izedɣen. Ma yella yecbeḥ umḍiq ad tesεu tikti yelhan ɣef yimdanen yettidiren din ; fehmen, ɣran, zeddig wul-nsen … Ma yella amḍiq ad yili yecmet neɣ yerka d ayen ibanen imezdaɣ-is ula d nutni d imerka, teḥbes lefhama ur d-tuwiḍ ara ɣur-sen, d at wul yezdeɣ burekku, xeddmen ala di tuḥsifin.

    Tiziri teṣfa, iḍ yeččur s rriḥa n lebḥer. Ad as-tiniḍ zzhir n uzal yessaggad iḍ, itteffer deg lqaɛ n lebḥer, amzun d tasusmi n yiḍ i t-id-yettsummun.

    Subbeɣ-d ṭṭaq, zedweɣ ɣer tewwurt, ttmuquleɣ tamdint : texla ɣef tesɛa, rrehba-agi i aɣ-izedɣen tekcem akk imdanen n Lezzayer, tamdint tameqqrant n tmurt. Tarewla, ɣiwel s axxam, nejmeɛ. Mi sekkṛent ttbernat temmut ddunit. Azzel amer kra i d-iɣellin ad d-teǧǧeḍ arraw-ik… […]

    Ɣef zelmeḍ ixxamen n Buluɣin mzuɣaren rrif rrif n ubrid, wa yeṭṭef di lḥiḍ n wa, uggaden ula d nutni. Kra deg-sen mazal bedden, llan wiyaḍ tečča-ten tewser. Wa yeqqim mebla ṭṭaq n berra, wa yeskan-d deg-s kra n tlajurin am userwal bu-tfawet.

    Wissen ayen akka nettwet armi tuɣal ccbaḥa n tiṭ d asafar. Ixxamen-a tura mačči d menwala i ten-izedɣen. D ixxamen i d-ǧǧan ikulunen. Wid i ten-iṭṭfen ass-a diɣen d imɛellmen n tmurt. Ad tkecmeḍ ɣer daxel, kra n učenčun i d-yeffɣen di Fransa ad t-in-tafeḍ din.

    Ad sebɣen ṭṭaq, Ad ṣeggmen tawwurt, ad ẓẓun tajeǧǧigt ara yalin ɣef leḥyuḍ, ala ! Ayen deg ara yettekki wayeḍ ɣas s tiṭ-is, ayen ara yesferḥen amsebrid, ayen yes ara teǧǧuǧeg temdint, ala ! Ɣer daxel kan, yal wa i yiman-is. Kullec i uɛebbuḍ.

Saɛid SEƐDI, ungal Askuti

Sb 90-91, Asalu 1991.

Aḍris agelman, aglam n wadeg
Taddart n Tewrirt
Malek Houd

Tamurt n Yigawawen
Aḍris agelman
Aglam n wadeg

Agelmim aberkan (Le lac noir)
Akfadu, Bgayet.
Aḍris agelman n wadeg.

Aḍris agelman - aglam n wadeg
Taddart Tawrirt

Sliman Zamuc Seg: Agellid akked yineffuten yelhan.

Aḍris agelman - Aglam n wadeg
Agni - Salem Zenya -Tafrara.

Tigzirt - aglam n wadeg - Ḥmed NEKKAR.
Tigzirt - Description du lieu

Malek Hud. Tamaziɣt tura. Uṭn 7.
Tala n Wudi, tiẓgi, isekla, ijeǧǧigen.

    Ṭṭfen abrid n Tala n Wudi i d-yezgan deg yiwet n teẓgi send ad tawḍeḍ ɣer tizi n Tirurda. Mi uwḍen ɣer din, ddan ddaw n yisekla n ukerruc n teẓgi-nni armi d-ɣlin deg yiwet n talmat. D yiwen wadeg iwimi d-zzin yisekla, d tamrijt yeččuren d rrbiɛ d yijeǧǧigen. Aman ggten, igdaḍ seg yal zzin čewčwen-d seg yal tama. Kra dagi akk yeqqar-aɣ-d deg tsemhuyt n tefsut ideg nella. Tafsut d tallit n tayri n kra i d-yexleq Rebbi...

Village Kabyle
Taddart n Leqbayel

Nura belgasmiya
Tanfalit tirarawt deg tmaziɣt

   

Aḍris agelman - Aglam n wadeg.
Iɣrem n yirumanyen - D tasuqqilt
Description du lieu  - Texte descreptif

     Akken ara teffɣeḍ i yiɣrem n Tipaza, metwal Cercal, ad k-id-tmager temdint taqdimt n Yirumaniyen. Teṭṭef syinna alamma d adrar n Yicenwiyen. Uqbel ad k-yefk ubrid ɣur-s, ad ak-id-tbin termel daxel n tzemrin d ukerruc.

Akken kan ara tkecmeḍ di tewwurt, ad k-id-imager ɣer yeffus, yiwen n unrar yesεan azal n tmanyin n lmitrat di teɣzi. Deg-s i ttnaɣen zik-nni yimziwen akked yiserdasen. Ɣef yidisan n unrar, llant tseddarin iɣef ttɣimin wid i d-yettasen ad ferrğen. aɣrab yellan zik d afrag gar unrar d yimeshanayen, yehtuta; tura drus i d-yeqqimen deg-s.

Mi ara tkemmleḍ tikli ɣer zdat, ad twaliḍ sin lemqamat d iεlayanen, dinna i ttεebbiden yirumaniyen irebbiten nsen. tella yiwet n tewwurt tesssuffuɣ ɣer rreḥba iɣer d-ttemlilin yimsewwqen. Yella ubrid yettawin d akessar alamma d ilel; zelmeḍ, yeffus, yeččur d inestimen n yixxamen idermen; ggrant-d kan tgejda n yixxamen-nni.