Affichage des articles dont le libellé est Isefra. Afficher tous les articles
Affichage des articles dont le libellé est Isefra. Afficher tous les articles

Nnehta n rrwaḥ - Asefru s teqbaylit - ALIANE Kahina

Isefra ,
Nnehta n rrwaḥ - Asefru s teqbaylit - ALIANE Kahina

Poème kabyle
Asefru s teqbaylit.

Nnehta n rrwaḥ

Nnehta n rrwaḥ - poeme kabyle - Asefru s teqbaylit - ALIANE Kahina

Yir aṭṭan yesseqreb-d lmut-iw
Teckunṭeḍ deg yijufar-iw
Ifadden-iw kkawen, ɛyan

Iwumi ara d-ǧǧeɣ arraw-iw
Nutni d uzzu n tasa-iw
Xemseṭṭac ur ten-ɛeddan

Mi ara d-ɣlint deg-sen wallen-iw
D leḥmali yettazzal yiẓri-w
Nutni s wacemma ur ḥsan

Amek ara asen-mleɣ lehlak-iw ?
Ad ten-cewwleɣ s rrwaḥ-iw
Ad kemmlen i tasa i yezzan

Argaz yellan d lmektub-iw
Iɣef rehneɣ temẓi-w
Yebḍa wul-is d iceqfan

Xas ruḥ, ruḥ a leɛtab-iw
Neggi ay axxam-iw
Arew-d fell-i ineẓman

Iyi-iɣaḍen d igerdan-iw
Anwa ara yeṭṭfen amkan-iw
Wiss ma ad asen-gen leḥsan ?

ALIANE Kahina
Tasɣunt ASELMAD
Uṭṭun wis 7, Yebrir 2020

Plus de détails »
By Aucun commentaire:
Tags:

Ur sqizzib, ur ḥeqqer. Asefru: Werdi Lyazid

Isefra ,
Ur sqizzib, ur ḥeqqer. Asefru: Werdi Lyazid

Poème kabyle
Asefru s teqbaylit.

Ur sqizzib, ur ḥeqqer.

Ur sqizzib, ur ḥeqqer. Asefru Werdi Lyazid Poème kabyle Asefru s teqbaylit.


Ur sqizzib ur ḥeqqer

Ur ttawi seg wa ɣer wa

Awal, ixeddem lmenkeṛ

Ineǧǧer abrid i tlufa

Xas zzman tura yewεer

Ili-k d imɣi n ṣṣaba

Di laṣel-ik mger εemmer

D winna kan ay d lɣella

Win iran ad k-ixaṭer

Eǧǧ-it, sefḍ lǧerra

Taqbaylit ay tesεa zzher

Mi tt-refden wat lḥerma

Tajmilt i tarwa n lḥer

Yerẓan asalu s tira

Idles-nneɣ, yezger lebḥer

Tefka-t teεwint i tala

D awezɣi! tura awexxer

Win yusmen yeṭṭef tama!

Ɣas akka ɣezzif umecwar

Azekka-s d tafrara

Ilaq ad nkemmel ad nezweṛ

Ad neddu d yimezwura

Werdi Lyazid
Tasɣunt Aselmad
Uṭṭun 8 - Yennayer 2021
Plus de détails »
By Aucun commentaire:
Tags:

Izem yuɣalen d aɣyul - Messaoudi D

iɣersiwen , Isefra
Izem yuɣalen d aɣyul - Messaoudi D

Asefru ɣef yiɣersiwen
Izem yuɣalen d aɣyul

Asefru ɣef yiɣersiwen Izem yuɣalen d aɣyul Izem d agellid n yimudren


Izem d agellid n yimudren,
Netta d win yeqwan, d win muhaben.

Aɣyul d ungif gar yebhimen,
Fell-as εebban, yes-s kerzen.

Izem d ilelli deg udrar.
Aɣyul d akli deg uzaɣar. 

Izem iɣaḍ-it meskin uɣyul,
Deg-s yezga yettweṣṣi seg wul:

Zeεbeḍ ! Neggez ! Ṣukk !
Mulac ur ssaram ddel fell-ak ifuk.

Aɣyul yebra i yimejjugen-is yeqqim,
Deg-s bab-is la ineğğeε, la yettdeqqim.

Ugar n 40 n yiseggasen d yizem yetteg ineẓman
Ɣef uɣyul yeddren s tsusmi deg yir ussan.

Izem d bu yiseɣ ur iqebblen ddel,
Maca ul-is yettilqiq ma ɣer umedlul yemmuqel.

Akken ad iwanes aɣyul umi meččen yizerfan,
Yedda ɣer win yeskaren iḥeddfan.

Deg teglimt n uɣyul, izem yekcem s adaynin.
Aɣyul yefreḥ: taεkemt ad tt-ddmen deg sin.

D. Mesɛudi
Tasɣunt Aselmad
Uṭṭun 8 - Yennayer 2021

Amawal - Lexique:
- Imudren = animaux
- Ilelli = libre
- Ineẓman = soucis
- Amedlul = soumis
- Adaynin = étable
- Iseɣ = dignité
Plus de détails »
By Aucun commentaire:
Tags: , ,

Ḥareɣ - Asefru - Fahim MESSAOUDENE

Isefra ,
Ḥareɣ - Asefru - Fahim MESSAOUDENE
Ḥareɣ

Ḥareɣ - Asefru - Fahim MESSAOUDENE


Tuɣ-iyi-d yemma
Iselsa ijdiden
Bɣiɣ ad ten-lseɣ
Ad fɣeɣ yis-sen

Atas i ferḥeɣ
Imi ten-walaɣ
Ḥareɣ ad ten-lseɣ
Ḥareɣ a yemma

Yuɣ-iyi-d baba
Tayuga n yisebbaḍen
Imi ten-qasseɣ
Ufiɣ-ten acekki-ten

Atas i ferḥeɣ
Imi i ten-εerḍeɣ
Ḥareɣ ad ten-lseɣ
Ḥareɣ a baba

Tuɣ-iyi-d yemma
Aqrab lεali
Yeččur d unuɣen
Cebḥen i tmuɣli

Atas i ferḥeɣ
Imi i t-εellqeɣ
Ḥareɣ ad kecmeɣ
S aɣerbaz a yemma

Yuɣ-iyi-d baba
Sin yidlisen
Ferḥeɣ mi ten-ṭṭfeɣ
Si gar yifassen

Atas i ferḥeɣ
Imi ten-walaɣ
Ḥareɣ ad ten-ɣreɣ
Ḥareɣ a baba

Nekk akked yemma
Am waggur d tziri
D tafat n uxxam
D sser n tayri

Atas i ferḥeɣ
Deg-s mi mmuqleɣ
Ḥareɣ ad kem-ẓreɣ
Ḥareɣ a yemma

Nekk akked baba
Am sin yimeddukkal
Yal mi ara yeffeɣ
Ad nettemsawal
Atas i ferḥeɣ
Yal mi ara as-sleɣ
Ḥareɣ ad t-ẓreɣ
Ḥareɣ a baba

Fahim MSƐUDAN
Tuber 2019
Plus de détails »
By Aucun commentaire:
Tags:

Lemmed Tamaziɣt: KEBIR Busseɛd, timsirin d yiluɣma

Amawal , Idlisen
Lemmed Tamaziɣt: KEBIR Busseɛd, timsirin d yiluɣma

Adlis: Lemmed Tamaziɣt, sɣur Mass KEBIR Busseɛd

Adlis Lemmed Tamaziɣt n Mass KEBIR Busseɛd. Ad tafem deg udlis-agi timsirin, iluɣma, tririyin, inzan, isefra, iḍrisen, amawal… Livre Cours de tamazight kabyle, KEBIR Boussad, cours, exercices, réponses, dictons, poèmes, textes, lexique …




Ad tafem deg udlis-agi:
- 30 n temsirin.
- 100 n yiluɣma + tririyin.
- Inzan.
- Isefra.
- Iḍrisen.
- Amawal.

Plus de détails »
By Aucun commentaire:
Tags: , , , , , , ,