Taddart-iw - aglam n wadeg
Taddart-iw - Description du lieu

Imeddukkal: aḍris agelman.
Aglam n umdan - Portrait.

“Les deux amis”
D tasuqqilt sɣur : Salem Muḥend.

        

            Yidir d Yuba a-ten-id uɣalen-d seg uɣerbaz. Yidir yuɣal d ameqqran, yennerna mliḥ, ɣur-s qrib mraw d yiwen n yiseggasen deg tudert-is.

             Acebbub-is d awraɣ am wureɣ, kersen wanẓaden deg-s, icubaɣ rran tawenza deg yidis, allen-is d timeqqranin brarḥent, ṭṭurcent. Yuba, mmi-s n udrum-is, ila anagar ṣa n yiseggasen deg tudert-is. Meẓẓi mliḥ di lqedd. Taqerrut-is d tubrint, tekkernenni am tciret n uḍar, timeẓẓuɣin-is d timeẓẓyanin, ayen slant skelsent-t, leḥnak-is d iberkanen ad as-tiniḍ zzan seg yiṭij, udem-is yezga yennecraḥ, taqemmuct-is tettecmumuḥ, tuɣmas-is d ticebḥanin am udfel, yettcercur d sser dayen kan.

 Yal ass, sin-agi n warrac ddukulen, ttaɣen adrid n uɣerbaz, teddun afus deg ufus, wa ur yettaǧǧa wayeḍ, ttemzukraren kan di sin. Tturebban i sin yid-sen, ur xebbcen, ur ttkerricen, ayen n dir xḍan-as, urǧin ttnaɣen deg yiberdan neɣ ttawin-d tilufa i yimawlan-nsen. D ukyisen, mi ara ten-id-temlaleḍ, ur ten-tzewwireḍ ara ɣer wazul. Mi ara d-ffɣen seg uɣerbaz, teddun-d srid s axxam, ur tezzin ur tennḍen deg yiberdan. Ferzen lecɣal-nsen akken ilaq, ussan-nsen ččuren d tigawt. Mi ara awḍen s axxam,yal akud deg-s amaynut. Cwiṭ i uqesser d wurar, cwiṭ i ulmud d unadi alamma gnen.

 Deg yimi n medden, ala win ara d-yinin fell-asen ayen yelhan: d arrac uḥricen, tturebban.

Isental n yirmawen n ukraḍyur amezwaru n tmaziɣt

Aswir wis semmus n ulmud amenzu
Massa ATTAB Kahina

    Wigi d isental n yirmawen n ukraḍyur amezwaru n tmaziɣt i texdem Massa ATTAB Kahina i uswir wis semmus, iseggasen iɣurbizen 2020/2021 - 2021/2022.

Iḍrisen d-yeddan deg-sen d ullisen:

- Tajewwaqt-iw.

- Ibki d uslem.

- Wa yuder wa yuli.

- Yuker ḥedreɣ, yeggul umneɣ.

Regardez ces Sujets sur YouTube

Télécharger Sujet 5AP 20-21  

Télécharger S 5AP 21-22 V1

Télécharger S 5AP 21-22 V2

Télécharger S 5AP 21-22 V3

Regardez ces Sujets sur YouTube

Isental n yirmawen n ukraḍyur amezwaru n tmaziɣt
Aswir wis semmus n ulmud amenzu
Mass ƐMIRAT Ǧamal

Wigi d isental n yirmawen n ukraḍyur amezwaru n tmaziɣt i yexdem Mass ƐMIRAT Ǧamal i uswir wis semmus, iseggasen iɣurbizen 2019/2020 - 2020/2021 - 2021/2022.

Iḍrisen d-yeddan deg-sen d ullisen:

- Tamacahut: Agellid d yelli-s.

- Taneqqist: Izem d uwtul.

- Tamacahut: Amɣar d warraw-is.

Regardez ces Sujets sur YouTube

Télécharger Sujet 5AP 19-20

Télécharger Sujet 5AP 20-21

Télécharger Sujet 5AP 21-22

Regardez ces Sujets sur YouTube

Isentel n yirmawen n ukraḍyur wis kraḍ n tmaziɣt
Aswir wis ukkuẓ n ulmud amenzu

    Isentel-agi n yirmawen n ukraḍyur wis sin n tmaziɣt i xedmeɣ i yinelmaden-iw n uɣerbaz amenzu, deg yiseggasen iɣurbizen 2016/2017 - 2017/2018 - 2018/2019. Iḍrisen n tinnubga, aseḥbiber ɣef tdawsa, ullisen.

Iḍrisen d-yeddan deg usentel-agi:

- Aḍris ullis (tamacahut).

- Aseḥbiber ɣef tdawsa (Tuččit yelhan + Tarda)

Regardez ces Sujets sur YouTube

Télécharger Sujet 4AP 2016/2017

Télécharger Sujet 4AP 2017/2018

Télécharger Sujet 4AP 2018/2019

Regardez ces Sujets sur YouTube

Aḍris ullis: Am wass-a.
Ɛmer Tiɣil, Izen amaziɣ

Aḍris ullis: tamacahut
Agerruj n tidet

    Yella yiwen n sselṭan, d taqcict kan i yesεa ; iḥemmel-itt d tasa-s. Yal mi ara iffeɣ, ad iwessi tiqeddacin-is ad as-ddunt di lebɣi. Maca, yal mi ara yekk tawwurt, tameṭṭut-is ad tekker ɣer ccɣel yerna ad temmal i yelli-tsen amek i iteddu wayen akken i txeddem.

    Asmi meqqret, yefka-tt tedda, yuɣ-itt sselṭan nniḍen i mmi-s. Lameεna yuwi fell-as ccerṭ, yenna-as «Yelli ur txeddem ur tgeddem ». Asmi tedda d tislit, yefka-as baba-s ayen ur nettfaka n ddheb d lfeṭṭa. Axxam-is imi tt-walan ur txeddem ara, unfen-as, rran-tt di rrif.

    Teqqel tessetḥa s yiman-is. Tuɣal, mi ffɣen wat uxxam, yal yiwen ɣer ccɣel-is, ad tekker ad texdem meṛṛa ccɣel n uxxam. Mi d-ussan wat uxxam, afen-d yal taɣawsa deg umkan-is. Uɣalen ḥemmlen-tt meṛṛa, mezzi meqqer.

    Yiwen wass, yerza-d fell-as baba-s, yaf-itt tgerrez. Yenna-as : « A yelli, εni ifuk-am ddheb d lfeṭṭa-nni i am-d-fkiɣ ? ». Terra-as : « ayen akk iyi-d-tefkiḍ yekfa, ḥaca ayen iyi-d-tefka yemma i mazal, ad sεeddiɣ ddunit-iw meṛṛa yis-s ».

    Yuɣal baba-s yefreḥ. Akken yewweḍ ɣer tmeṭṭut, yenna-as: « akk-a i xeddment tlawin lεali ». Twehha ɣer yiɣallen-is terra-as : « Ssexdem-iten ad ten-yečč wakal, eǧǧ-iten ad ten-yečč wakal ».

Musa IMARAZEN

Timεayin n Leqbayel

H.C.A 2007 sb94

Aḍris ullis, tamacahut: Tamɣart, iɣiden akked yennayer
Mass; BELƐIDI Lyas.

Djehha et l'âne, et les deux voleurs.
Ǧeḥḥa akked uɣyul, d sin yimakaren - Tamseḍsut

Sin yiɣiden d wuccen - Taneqqist s tmaziɣt.
Fable en tamazight, le loup et les deux chevreaux.

    Amacahu, Rebbi ad tt-isselhu,ad tiɣzif amzun d asaru!

Yiwen wass di tegrest, dduklen sin yiɣiden, tteddun s axxam. Deg ubrid-nsen, mlalen-d Mḥend Uccen. Akken kan i ten-iwala, ur tuwi-t ara lqaɛa si lferḥ. Dɣa yenna-asen : « ɣer wanida i tettɣawalem a tarwa ? » Nnan-as : s axxam a Dda Mḥend.

Yezzi wuccen ɣer umezwaru deg-sen, yenna-as :

- D acu-tent tigi i d-tewwiḍ ɣef tqerruyt-ik ? Iɣid-nni yuggad,yerra-as-id s urgagi d usqewqew :

- D t…d t…d tacciwin !

- I tigi iɣef tbeddeḍ, d acu-tent ?

- D t…d t…d tiqejjirin.

- Ihi, acuɣer i tettergigiḍ ?

- U…u uggadeɣ ad iyi-teččeḍ !

Mḥend Uccen yumer mi t-yuggad yiɣid. Yuɣal yezzi ɣer wis sin, yenna-as : « I kečč, d acu akka i d-tewwiḍ ɣef tqerruyt-ik ? » Iɣid, icuff idmaren-is, yessuzer taɣect-is, yerra-as-id :

- D acciwen s way-s ara k-fetkeɣ, ma ur tettaxreḍ ara seg ubrid-nneɣ.

Yuɣal yenna-as Mḥend Uccen :

- I tigi iɣef tbeddeḍ, d acu-tent ?

- D tidebbuzin is ara k-debbzeɣ, ma tkemmleḍ-tt aka.

- Ayɣer ihi tettergigiḍ?

Iɣid, yebda yekkat s tqejjirin n sdat, yettcuffu, amzun d azger, yenna-as: « ḥareɣ, ḥareɣ melmi ara k-ččeɣ, ttraǧuɣ kan ad tfakeḍ ameslay. ! » Asmi i iwala wuccen ur t-yuggad ara yiɣid, yuɣal icukk deg yiman-is, tekcem-it tuggdi . Imuqel akkin d wakka, yebda yettaker taqejjirt cwiṭ cwiṭ armi i yezzerweḍ d tarewla …ula d nutni maɣef ad yendem wuccen, ad d yezzi ɣur-sen.

Tamacahut-iw tefra am uɛeqqa di tferka.

Naser Uzerraq

Imexluqen-agi heddren kan - Muḥya

Muḥend Uyeḥya (Muḥya)

Seg “bulletin d’études Berbèrs N°12”

 Timecreḍt - Aḍris ullis - Racid Ɛellic, Faffa.

Aḍris ullis - Taqeccabit n Ǧeḥḥa - Tamseḍsut s tmaziɣt
Adlisfus aqbur n uɣerbaz amenzu. Aswir wis semmus. Sb. 18

    Ǧeḥḥa, yeɛya deg taddart-is. Iruḥ ad yezdeɣ deg temdint. Yuɣ dinna yiwen uxxam de uzaduɣ. Iṣaḥ-it-id wannag wis mraw, yal mi ara d-iḍill d akessar yettemlelluy.

Yiwen wass, yessared taqeccabit-is. Yebɣa ad tt-yefser deg ubalku, maca yuggad ad d-yeɣli. Icudd iman-is s umrar deg wammas, icudd amrar-nni ɣer ufus n tewwurt, yeffeɣ, yefser-itt. Cwiṭ kan, yekker-d waḍu, yuwi-as taqeccab-it-is. Ǧeḥḥa yebrek deg uxxam, yeqqar-as: “Lḥemdu Lleh mi selkeɣ i twaɣit.” Yuɣal yefra-tt ad yuɣal ɣer taddart-is: ur yezmir ara ad yeqqim deg temdint, netta yuɣen tanummi d tɣezza d yiɛerqyab.

Asmi yuɣal ɣer tmurt-is, yenced-d akk at-taddart-is ɣer tmeɣra, ad ččen imensi: seksu s uksum n yikerri. Usan-d akk medden ferḥen-as, maca yiwen ur yeẓri ɣef wacu i yexdem tameɣra. Yal wa amek i as-yeqqar: “ɛni d axḍab i d-yexḍeb? neɣ d zzwaǧ i yezweǧ?”. Mi tefra tmeɣra, yenṭeq ɣur-s ccix n taddart, yenna-as: “Tanemmirt-ik a Ǧeḥḥa, ad ak-ibarek Ṛebbi. Maca … tzemreḍ ad aɣ-id-tiniḍ ayɣer i txedmeḍ tameɣra?

Yenna-asen: “Ayɣer, Iḥqa qrib mmuteɣ, acu-t wass-nni.”

Nnan-as:”Amek?”

Yenna-asen: “Asmi akken zedɣeɣ deg temdint, d Ṛebbi i iyi-isellken, qrib i iyi-tenɣa tqeccabit-iw.

- Amek qrib i k-tenɣa tqeccabit-ik?!

- Ih! Qrib mmuteɣ daxel n tqeccabit-iw ih, fesreɣ-tt deg ubalku, isuḍ-d waḍu yuwi-tt. Ccwi kan ur lliɣ ara daxel-is; a tilli … tilli iɛedda lqecc-iw.

Aḍris ullis, Tamacahut s tmaziɣt
Seg: Légendes et contes merveilleux de La Grande Kabylie
Camille Lacoste-Dujardin

Agawa d ufexxar

 

    Yiwen wass, yiwen ugawa iɛebba d afexxar, iruḥ ad t-yessenz ɣer Wat Jennad. Deg ubrid-is, ihedder d yiman-is, yeqqar:“Tura, ad awḍeɣ ɣer Wat Jennad, ad ssenzeɣ tabuqalt neɣ tarbut, ad d-aɣeɣ tayaziḍt.

    Tayaziḍt-nni ad iyi-d-teǧǧ timellalin. Ad as-tent-greɣ, ad d-tessefrurex. Ifrax ad imɣuren, ad uɣalen d tiyuzaḍ, ad ssefruruxen am yemma-tsen. Ad snuzuɣ tiyuzaḍ, ad snuzuɣ timellalin alamma semdeɣ-d aṭas n yidrimen. Ad as-zewǧeɣ

i mmi.

    Ad d-truḥ teslit akken ad tessuden aqerruy-iw. Nekk ad as-qqareɣ:“ Ḥaca-m , ḥaca-m, a yelli ! Ihedder yettwexxir, ihedder yettwexxir, amzun dɣa akken d tidet ! Yemderkal , yeɣli, yeɣli ufexxar, kra din iruḥ ...

Mmi-s n yigellil. Mulud Ferɛun.
Ungal, Tasuqilt si tefransist
Moussa OULD TALEB.

Tamdint ( La cité - La ville) - Racid Alliche - Texte narratif.
Tamdint - Racid Allic - Faffa - Aḍris ullis.

Aḍris ullis, Taneqqist s tmaziɣt.
Text Narratif, Fable en tamazight.

    Yiwen wass, inisi ifud, yeffeɣ yettnadi ɣef waman. Deg ubrid, yufa yiwen n lbir lqay, aman beεden, fad yenɣa-t. D taluft. Amek ara yexdem ? Ineggez ɣer daxel, yeswa maca mi yekker ad d-yeffeɣ ur yufi ara amek. Yeqqim din yettraǧu anwa ara t-id-iselken.

    Cwiṭ kan, yusa-d wuccen, ula d netta ifud. Yemmuqel ɣer lbir iban-as-id yinisi. Yeḍsa-d wuccen yenna-as : Amek tuwḍeḍ ɣer din ay inisi ? Yerra-as-id yinisi: d ayen isehlen, εelleq-d iman-ik deg yixef n umrar-agi ad d-tadreḍ.

    Inisi icudd iman-is s yixef niḍen n umrar yellan di lbir. Uccen yuder, inisi yuli-d. Yenṭeq wuccen ɣer yinisi : saḥḥa deg-k tkellxeḍ-iyi. Yerra-as yinisi : akka i d ddunit ay uccen, wa yuder wa yuli.

Maison Kabyle - Rachid Alliche.
Axxam n Leqbayel.

Racid Ɛellic. Faffa.