S wugar n 350 yimelyunen n yineḍfaren si yal tama deg umaḍal1. Fayesbuk, yessaweḍ ad ibeddel, wa ad yerr amtiweg-agi ameqqran d taddart tameẓẓyant. Tumant-agi, tekcem yal amnaṛ, tessekfal-d yal ass lbaḍna n yimdanen deg wayen yerzan tudert-nsen, imahilen-nsen, iḥulfan d yisenfaren-nsen ...

    Mkul amdan yezmer ad yeldi amiḍan neɣ asebter, anda ara yesɛu alegdis deg waydeg yessefk ad d-isbeyyen tamagit-is d wayen akk i icudden ɣer tudert-is (aswir n ulmud, amahil, isenfaren) Deg yiwet n tezrawt tamaynut ay gan yimussnawen ɣef uzeṭṭa amezday neɣ ametti , ufan-d belli Fayesbuk yessebεad wid i iqerben akken i d-yesseqrab wid ibeεden, yerra aṭas n yimdanen d iḥiziyen ɣef yimeddukkal d twacult yellan di tilawt. Ɣef waya, cuban-t ɣer tfelwit anda seffḍen ayen yellan yecbeḥ di tudert am tdukkli, tagmat, tayri...d ayen i yefkan amkan i tudert taḥulist.

    Tuget n yinelmaden, yuɣal-asen Fayesbuk am tgella, imi, mi d-ffɣen kan seg uɣerbaz srid ɣer anternit , srid ɣer uzeṭṭa ametti, i asen-yessettun taɣuri n yidlisen d uheyyi n yimahilen yerzan almud nsen. Ula d aswir n tuget deg-sen iṣubb nezzeh, tamentilt-is d ṭṭaqqa n wakud i sεeddayen di Fayesbuk. Fayesbuk yesεa aṭas n yibaɣuren maca yuwi-aɣ ayen εzizen fell-aneɣ. Yessettu-aɣ ayen yelhan deg-neɣ, yemḍel tignatin icebḥen i nesεedday zik gar leḥbab d yimawlan s tayri n tidet.Tumant- a la tettkemmil! La tetteddu! Wissen ma ad d-naki!

Amiḍan: compte

Amtiweg: planète.

Asebter: page

Alegdis: profil

Ifiizi: Solitaire

Tumant: phénomène

 

    Tikli ɣef uḍar d yiwen n waddal isehlen maḍi, imi yezmer umdan ad t-yexdem di lweqt yebɣa neɣ deg umekkan yebɣa, akken daɣen yezmer ad t-yexdem yal yiwen deg-neɣ ama d agrud, d ilemzi, neɣ d amɣar. Ihi iwumi telha tikli ɣef uḍar ?

    Di tazwara, tikli ɣef uḍar ɣur-s aṭas n yibaɣuren i tezmert n umdan, imi win ileḥḥun azal n yiwet n tamert i wass ur yettaḍen ara aṭṭan n wul.

    Di tis snat, tikli n uḍar tseqɛad tikli n yidamen di tfekka n umdan.

    Syin akkin, tikli ɣef uḍar tesrusuy allaɣ n bnadem, imi win ixeddmen addal-agi yezga yers lmux-is ittafqaɛ ara.

    Ɣer taggara, tikli ɣef uḍar tsefsay tadunt di tfekka n umdan, ɣef way-agi amdan ileḥḥun aṭas ur ittqewway ara.

    Ɣaf way-agi i telha tikli ɣef uḍar imi tesɛa aṭas n yibaɣuren i d-igellun s lfayda i tezmert n umdan. Akken qqaren tazmert yelhan d nettat i d agerruj n ddunit.