Tazart, iniɣman, iḥbuben. Figues secs.
Nura Belgasmiya. Tanfalit tirarawt deg tmaziɣt.
Zik, di lawan n lexrif, ttruḥun ṣṣbeḥ wigad yesɛan urti n tneqlin ad d-kksen tibexsisin, ma d iɛeqqayen n yiniɣman ad ten-lwin ɣer lqaɛa ad ten-ǧǧen alamma d tameddit, ad d-uɣalen ad ten-leqqḍen ad ten-fesren ɣef yifuga yettwaxedmen s uɣanim. Mi qquren ad ten-smiren ɣer umisur, arma yeččur d tazart. Mi ara d-taweḍ taggara n lexrif ad ten-id-jemɛen: wigad lɛali ad ten-zziǧwen, ma d ayen i d-yettɣimin seg-sen ad yeqqim i lwacul. Tiwsatin n yiḥbuben mxallafent akken mxalafent tneqlin. Llant tigad lexrif-nsent yelha i tazart am tnqelt n deffuyt, tin n tɣanimt lexrif-is n ujenjar akked lexrif n buyeḥbul; ma d tid lexrif-nsent ur ilehhu ara i tazart ad naf tanqelt n uleqqaq, tin n uɣanim imi lexrif-is iwettu di ṭṭejra, tella daɣen tenqelt lexrif-is d azewwaɣ, d aḥercaw, yella daɣen win iwumi qqaren lexrif n teɣliḍt, mi yewwa mliḥ ad yuɣal d aman ad d-yeɣli. Llan daɣen lexrif n ubuɛenqiq, n ubarak akked ubakur. Ma d lexrif n ubuɣenjur iḥbuben-is lhan i tezmert fernen-ten ttarran-ten di zzit n uzemmur ur kkin waman mi d ṣṣbeḥ feṭṭren fell-asen.
Aucun commentaire:
Enregistrer un commentaire