Imexluqen-agi heddren kan - MuḥyaMuḥend Uyeḥya (Muḥya)
Seg “bulletin d’études Berbèrs N°12”
Uccen yeqqecqec si laẓ. Itteddu yetteqliliḥ, ansi ara d-yekk kra ad t-yesgummeḍ. Yuweḍ ddaw taddart yesla i uqcic d amecṭuḥ yettru. Yiwet n temɣart tenṭeq s aqcic-nni, tenna-as:”ad tessusmeḍ neɣ telzem-iyi tkeffart ar d ad k-fkeɣ i wuccen ad k-yečč!”. Uccen iɣil d tidet. Yedduri adernu, yeqqim. Yettraǧu ad as-t-id-suffɣen, yettraǧu, yettraǧu, ulac. Almi dayen yeɣli-d yiḍ, yesla i temɣart-nni tezzuzun aqcic. Teqqar-as: “tura mimmi ad ixuc, ur yettagad. Aḥeqq wadi d wadi, ur d-yettas wuccen ar t-nqedder s tqabact”.
Uccen yeddez timaddazin-is. Yenna-as:”Awwah! Imexluqen-agi heddren kan”.
Aucun commentaire:
Enregistrer un commentaire