Tazeqqa, Axxam n Leqbayel - Maison Kabyle Traditionelle.
Seg: Textes berbères dans le parler des Irjen - André Picard
Axxam n Leqbayel Ad tkecmeḍ s axxam si tewwurt; tawwurt-nni tesɛa sin n lelwaḥ, ɣer lǧiha n ufella yella wagens d udekkan; ɣef udekkan llan yikufan d leqsaḍ; deg wagens yella lkanun, s ddaw udekkan, llan yikwaten srusun deg-sen tasilin, tibaqiyin, tiqedḥin, aḍajin d leḥwal niḍen; s nnig lkanun, tella yiwet n teɛrust srusun fell-as taftilt; nnig-s tɣelleq tufalt i tɣenǧayin, ɣef lǧiha n yeffus tella tesga, ɣef ẓelmeḍ, yella srir, fella-as ay ttarran aẓeṭṭa.
Si lǧiha n wadda, tella tdekkant, s ufella-s llan yikufan; si tdekkant i yettalin ɣer teɛrict, deg teɛrict srusun akk leḥwal; ayen iḍurren deg wagens, ad t-salin ɣer teɛrict; tkeččem-d ɣer-s tafat seg yiwen n ṭṭaq d amecṭuḥ; s ddaw tdekkant yella lemdawed deg itett lmal, s ddaw teɛrict, d addaynin i yizgaren d lmal niḍen.a
Mi ara teqqimeḍ deg wagens, ad twaliḍ lmal ɣer uddaynin, yesḍilli-d maḍi aqerruy-is seg lemdawed; ma yečča, teẓrid-t, ma yelluẓ, teẓrid-t; abeɛrur n lmal yetteffeɣ seg tzullixt ɣer berra, iɣelli ɣer tebriḍt n ubeɛrur; llan wid ur tnejemmeɛ ara, yettazzal deg berra neɣ deg uzniq. Ayen yesɛa bab n uxxam hatan gar wallen-is, ama d lmal, ama d zzit, ama d tazart, ama d tafellaḥt; kul lḥaǧa tesɛa amkan-is; deg yiḍ iɛuss akk ayla-s, ur yettagad ara ad t-akren.
Aucun commentaire:
Enregistrer un commentaire