Aḍris ullis: dda Qasi.
Brahim tazaɣart - Salas d Nuja
Salas yekcem ɣer lqahwa. Yeqqim-d ɣer-s yiwen n urgaz werǧin t-yessin. Tazeqqa tzeher ; Salas yessusem, yečča s wallen, ɣer yiwet n ṭṭabla, yiwen n umɣar i yelllan yeṭṭafar s usneznez ɣer rradyu taɣect-nni n Meɛṭub, anda i as-yeqqar: “ iẓri-w yeɣleb leḥmali”. Yenṭeq ɣur-s urgaz-nni, yenna-as:
- Wihin d Dda Qasi.
- Ad as-tiniḍ d imgri, i as-yerra Salas.
Yella zik d imigri. Maca aṭas aya i d-yekcem ɣer tmurt. Dda Qasi d tamacahut.
Uqbel ad yinig Dda Qasi ɣer Fransa, yella iḥmmel yiwet n teqcict d taǧǧaret-is; nettat daɣen tḥemmel-it. Taqcict d ayyur, tessemxel akk ilmeẓyen n taddart. Baba-s yesɛa d ayen kan, yerwa nezzeh. Mi qerrben yimawlan n Dda Qasi ad as-tt-id-xeḍben, yenna-asen-d baba-s: “ yelli tekker-d deg tawant, win ara tt-yaɣen ilaq ad as-ikemmel mačči ad tt-id-yerr ɣer deffir.” Imawlan n Dda Qasi nnan-as dayen, taqcict-a d awezɣi ad d-tekcem s axxam-nneɣ.
Ul-is i iḥemmlen, i iɛecqen Jeǧǧiga, yemla-as abrid ara t-yessiwḍen ɣur-s. Iceyyeɛ i tlemẓit ad traǧu. Nettat tefka-as lɛahed: “ Urǧin ad qebleɣ wayeḍ amer ad iyi-yettwakkes uqerru”.
Dda Qasi irkeb lbabur , yunag ɣer Fransa mi yuweḍ, refdent at taddart-is, ḍebbren-as-d axeddim. Sin n yiseggasen kan, yecrek lqahwa d yiwen... Deg tmurt baba-s n teqcict iṭṭef-d ɣur-s yiwen n umerkanti, yefka-as-tt ɣer tewwurt n ssuq. Jeǧǧiga tugi, tḥellel baba-s tettru, twexxer ɣef wučči, ulac ! “ fkiɣ awal i urgaz ur ttuɣaleɣ deg-s, yerna d nekk i yeẓran leṣlaḥ-im.”
Yewweḍ lexbar amcum i Dda Qasi, yekcem-d; yuwi-d takerrust tettirriq. Ass wis sin seg mi d-yewweḍ ɣer taddart yeɛna baba-s n teqcict, maca dayen ur yezmir ad yer aḍar ɣer deffir... Dda Qasi yugi ad yebru i taluft, dɣa yeɛna win i ixeḍben Jeǧǧiga, yeḥka-as taluft akken tella. “azekka, ad ruḥɣ ɣer baba-s ad as-ini-ɣ, fek yelli-k ad tezweǧ” i as-yenna winna. Yefreḥ Dda Qasi.
Mi iruḥ tasebḥit ɣer uxxam n teqcict ad iwali baba-s, yuwet ɣef tewwurt snat n tikkal, iwexxer ɣer deffir, cwiṭ kan akka, teldi-d tewwurt tejba-d yiwet n tlemẓit am wayyur. Iwala-tt kan yebhet, tewwet terɛaɛact deg tfekka-s, ɛerqen-as lehdur, ɣef unyir-is tuzzel tidi d taḥmayant.
- Yella bab n uxxam ?
- D baba, ulac-it! D acu tebɣiḍ ad as-iniɣ ?
- Ulac ! ulac !
Yerwel d tarewla. Gar wallen-is yewwi ssifa n teqcict iwala, tekcem-as ɣer wul. Mi yemlal Dda Qasi yenne-as: “ ur zmireɣ ad tt-ǧǧeɣ, d lmuḥal...”.
- Wihin d Dda Qasi.
- Ad as-tiniḍ d imgri, i as-yerra Salas.
Yella zik d imigri. Maca aṭas aya i d-yekcem ɣer tmurt. Dda Qasi d tamacahut.
Uqbel ad yinig Dda Qasi ɣer Fransa, yella iḥmmel yiwet n teqcict d taǧǧaret-is; nettat daɣen tḥemmel-it. Taqcict d ayyur, tessemxel akk ilmeẓyen n taddart. Baba-s yesɛa d ayen kan, yerwa nezzeh. Mi qerrben yimawlan n Dda Qasi ad as-tt-id-xeḍben, yenna-asen-d baba-s: “ yelli tekker-d deg tawant, win ara tt-yaɣen ilaq ad as-ikemmel mačči ad tt-id-yerr ɣer deffir.” Imawlan n Dda Qasi nnan-as dayen, taqcict-a d awezɣi ad d-tekcem s axxam-nneɣ.
Ul-is i iḥemmlen, i iɛecqen Jeǧǧiga, yemla-as abrid ara t-yessiwḍen ɣur-s. Iceyyeɛ i tlemẓit ad traǧu. Nettat tefka-as lɛahed: “ Urǧin ad qebleɣ wayeḍ amer ad iyi-yettwakkes uqerru”.
Dda Qasi irkeb lbabur , yunag ɣer Fransa mi yuweḍ, refdent at taddart-is, ḍebbren-as-d axeddim. Sin n yiseggasen kan, yecrek lqahwa d yiwen... Deg tmurt baba-s n teqcict iṭṭef-d ɣur-s yiwen n umerkanti, yefka-as-tt ɣer tewwurt n ssuq. Jeǧǧiga tugi, tḥellel baba-s tettru, twexxer ɣef wučči, ulac ! “ fkiɣ awal i urgaz ur ttuɣaleɣ deg-s, yerna d nekk i yeẓran leṣlaḥ-im.”
Yewweḍ lexbar amcum i Dda Qasi, yekcem-d; yuwi-d takerrust tettirriq. Ass wis sin seg mi d-yewweḍ ɣer taddart yeɛna baba-s n teqcict, maca dayen ur yezmir ad yer aḍar ɣer deffir... Dda Qasi yugi ad yebru i taluft, dɣa yeɛna win i ixeḍben Jeǧǧiga, yeḥka-as taluft akken tella. “azekka, ad ruḥɣ ɣer baba-s ad as-ini-ɣ, fek yelli-k ad tezweǧ” i as-yenna winna. Yefreḥ Dda Qasi.
Mi iruḥ tasebḥit ɣer uxxam n teqcict ad iwali baba-s, yuwet ɣef tewwurt snat n tikkal, iwexxer ɣer deffir, cwiṭ kan akka, teldi-d tewwurt tejba-d yiwet n tlemẓit am wayyur. Iwala-tt kan yebhet, tewwet terɛaɛact deg tfekka-s, ɛerqen-as lehdur, ɣef unyir-is tuzzel tidi d taḥmayant.
- Yella bab n uxxam ?
- D baba, ulac-it! D acu tebɣiḍ ad as-iniɣ ?
- Ulac ! ulac !
Yerwel d tarewla. Gar wallen-is yewwi ssifa n teqcict iwala, tekcem-as ɣer wul. Mi yemlal Dda Qasi yenne-as: “ ur zmireɣ ad tt-ǧǧeɣ, d lmuḥal...”.
Brahim tazaɣart
Salas d Nuja, sb.82
Aucun commentaire:
Enregistrer un commentaire