Maison Kabyle - Rachid Alliche.
Axxam n Leqbayel.
Racid Ɛellic. Faffa.
Tazeqqa taqdimt, neɣ tazeqqa n lejdud neɣ axxam n twelliyin. Tebna s uẓru d wakal. Rsen yiẓra ɣef uɣrab am tebleɛlacin deg texxamt n tiddas, ur gin d azrarug iweqmen. Actil yuraden, am lexyal deg lexla, iɛelleq ɣef yigedman n tara i takawt. Uccanen skuɛun-d seg tmizar, ɛemren taqbilt, ssefriwisen ulli deg waddaynin.
Tazeqqa taqdimt: agens, addaynin, taɛrict. Agens yewseɛ, d imlebbes; lkanun, tisirt. Ddan yicabcaqen d leḥyuḍ, wa iɛelleq, wa yers ɣef tencirt; ticabcaqin n nnḥas ɣef waydeg ɣerrɛen yimdanen, tiḥwicin akked tizzegzewt n tmura ibeɛden, ibeɛluleq uctil ɣef ccriḍa, actil ara yessun tameddit, seg tama d arrac akken myugaren, seg tayeḍ imawlan nnsen. Aɣyul d wulli jebbden ɣef yiciddan, neffsen, sduqusen akka acemma tanafa. Ɣef tdekkant reṣṣan yikufan i iḥejben taɛrict, taɛrict ideg ttawin aratus yiɣerdayen ur yenqiḍ umcic.
Aucun commentaire:
Enregistrer un commentaire