Tamdint ( La cité - La ville) - Racid Alliche - Texte narratif.
Tamdint - Racid Allic - Faffa - Aḍris ullis.
Imdanen ttɣawalen, ttseggilen; wa yeffeɣ-d seg tḥanut, wa yekcem-itt, ttemsawaḍen akken ma llan ɣer tuččit am tweḍfin; ad gganin, ad gen azrarug, ad ččaren isegras. Iberdan ččuren, imsebriden seg yal tama, tikeryas deg tlemmast. Ur isell wa i wa, ulac asuɣu n yiwen, ala tijjiqin n tkeryas d usbeɛbu n yimiṭruyen. Ula d arrac ttun taḥtatrit.
Tecɛel akk ddunit, tiftilin seg tɣemmar, seg ssqef. D iḍ. Lqahwa teɛmer, beṛṛa ttensarent ṭṭumubilat. Dagi d asčenčen d userremtu. Deg tlemmast n temdint, ahat d ul-is, ṭumubilat tticcigent, imsebriden teddun, sseɣzafen ameccaq. Igenni ɣas bɣan ad t-walin, ur ten-id-iṣaḥ. Ma tennuqleḍ allen ad ttulsent, ma tebriḍ-asent ur tferrzeḍ isebbaḍen-ik. Gar tafat d war tafat, gar yiḍ d wass. Imdanen, gar yigenni d tmurt; lemmer deg yigenni, tili ur ttbinen ara, lemmer deg tmurt, tili ha-ten-in kecmen ixxamen; imi ur uwiḍen yiwet, ala nnaqus mi ara d-indeh i d-yesmektayen belli yella Ṛebbi.
Aucun commentaire:
Enregistrer un commentaire