Recette Pain Kabyle Traditionelle: Aɣrum n bibras

Tasesfart n Uɣrum n Leqbayel
Aɣrum n bibras

Regardez sur YouTube

Bibras:

Bibras (Isem usnan: Allium triquetrum): Bibras d imɣi n twacult Amaryllidacées i d-yettaken deg tmura d-yezzin i yilel agrakal. Iga deg talɣa am ticcert, neɣ tirnest. D azegzaw, yesɛa azeǧǧig d Amellal. Deg kra n tmura, am Fransa, tteẓẓun-t kan i ucebbeḥ n tebḥirin-nsen. Wamag, ɣur-neɣ, deg tmura n ugafa n tefriqt, nessekcem-it deg uniwel, nxeddem yis-s aɣrum n bibras, tasesfart ara d nsefhem ass-a.

 Bibras 

 Three-cornered garlic

 L’ail triquètre (Ail Sauvage, Ail a trois angles)

 الثوم المثلث (أو ثُومُ الغَابَةِ أو بَصَلُ الذِّئْبِ)

Tasesfart n uɣrum n Bibras:

Isufar:

- Bibras

- Ameẓẓuɣ n yilef

- Felgu

- Nneɛnaɛ

- Zzeɛter

- Tisent (lmelḥ)

- Zzit n uzemmur

- Awren azuran (aḥercaw): win yelhan i uɣrum.

Allalen:

- Aḍajin (aferraḥ)

- Lǧefna (tareḥḥalit)

- Aɣerbal

- Tagezzamt

Tasesfart:

1. Ad d-nheyyi bibras-nni, ad t-nefru, ad t-nessired.

   

2. Ad t-nerr ɣer lǧefna-nni, ad t-negzem, ad t-neddez, ma zaden deg-s waman ad ten-nerr di rrif ad ten-nsexdem ticki m yella ixuṣṣ aman.

   

3. Ad as-nernu neɛnaɛ, ameẓẓuɣ n yilef, zeɛter, d felgu. Ad ten-negzem, ad ten-nexleḍ d bibras-nni igezmen.

  

4. Ad as-nernu lmelḥ (tisent), zzit n uzemmur d uwren. Ad ten-nsexleḍ arma yuɣal d arekti. Ad t-nsker d takurt.

   

5. Ad t-negg d taḥbult. Syin ad t-negzem d tirbeɛtin.

    

6. Ad nheyyi aferraḥ ɣef tmes akken ad yeḥmu. Syin ad nesrus tirbeɛtin ad ttewwant, ad tent-ntetti, ad wwent ɣef wudem-nni niḍen.

    

7. Mi wwant, ad tent-nečč s zzit n uzemmur.

Tamawin: Seg temnaḍt ɣer tayeḍ, tettemgarad tsesfart n uɣrum n bibras:

- Llan wid t-itetten s uyefki, neɣ s zzit n uzemmur, neɣ weḥd-s.

- Llan wid i as-irennun: amezzir, tassemt … neɣ isufar niḍen.

S tezmert n yimekli-nwen!

Regardez sur YouTube