Ad lemdeɣ tamaziɣt : tizzayrit
Adlis n usegmek - Brahim HAMEK
Asqamu Unnig n Timmuzɣa
Tiddukla tazzayrit n usegmek “Iqrae”
Aflali n udlis-a yekka-d seg tmuɣli n Usqamu Unnig n Timmuzɣa i yekkaten sya d sya, s tezmert i yesɛa, s tewwurt i d-yeldin, ad yesnerni tamaziɣt, ad tt-iger di tɣulin i d-ibanen, ad tt-isiɣ deg tmurt merra. Asegmek gar tewwura i d- yeldin i uselmed n tmaziɣt imi i d-yella umtawa gar Usqamu Unnig n Timmuzɣa ak d Tdukla Tazzayrit n Usegmek “Iqrae”, adlis-a d taseḍfert n umtawa-a.
Adlis-a d win i yerzan deg tazwara amdan ur nekcim ara ɣer uɣerbaz i yesxen ad yelmed tamaziɣt, ɣef waya i d-llant temsirin n trawalt i d-yewwin ɣef wamek ara isuneɣ yiwen ajerriḍ, akerdis, akuẓdis ... d usuneɣ n yisekkilen ilatiniyen n ugemmay n tmaziɣt. Yakan, win ur nekcim ara deg tudert-is ɣer uɣerbaz, yif ad yebdu s uḥric-a ara t-isgemken ɣer tɣuri d tira, ladɣa deg wamur-is i yeqqnen ɣer ulmad n ugemmay.
I win i iran ad isemres adlis-a dacu s yisekkilen n tfinaɣ neɣ s wid n taɛrabt, fkiɣ-d snat n tfelwiyin deg tazwara n udlis-a, yiwet tsemqabel agemmay n tlatinit d win n taɛrabt, tayeḍ tsemqabel agemmay n tlatinit d win tfinaɣ, syen d tamsalt n ubeddel n wunuɣ s wayeḍ.
Adlis-a yerza daɣ win i yeɣran yakan kra n tutlayt niḍen anda yebɣa ad yissin tamaziɣt, am wakken i yerza win i yesɛan kra n tmussni tamatut deg tmaziɣt maca yebɣa ad tt-yesnerni.
ḤAMEK Brahim
