D’où vient le nom Lalla Khedidja? - Mouloud MAMMERI

D’où vient le nom Lalla Khedidja?
Ansi d-yekka yisem Lalla Khedidja?

Mulud MƐEMRI

Yenna-as Ccix Muḥend

Yemma Xliǧa

    Asmi i ttezzin ṭṭelba ɣef tudrin, nnan-d yiwen n wass, ruḥen-d sin yixuniyen, seg Yigawawen, ad ẓuren Yemma Xliǧa tukrift i izedɣen Tamguḍt Σlayen.

Deg ubrid, ixuniyen-nni ttmeslayen gar-asen:” Ṭṭelba i aɣ-yecban nekkni, ad nruḥ ad d-nẓur yiwet am ta!” i as-yenna yiwen deg-sen i urfiq-is.

Mi uwḍen s axxam, ssutren deg Yemma Xliǧa ad ten-tessens, ad asen-tezlu ixef, am wakken i tella lεada deg zzman-nni. Yemma Xliǧa yettkacafen, tuɣ tesla-asen mi d-ttmeslayen akken deg ubrid fell-as. Dɣa din terra-asen-d:

- A Ṛebbi fek-d ameččim, deg yigenni ad yeg iεlawen.

- Ad tergel Tizi n Kwilal, si ṭṭillin Yigawawen.

- Lemḥibba nsen d aɣilif, tamussni nsen d asawen.

- Ma tuwim-d azal n sin, kkret ad tezlum yiwen.