Aḍris agelman, aglam n umdan
Ṭaher Useddiq - Seg “Lalla Faṭma n Sumer”
Tasuqilt: R .Ɛacur d Ɛli Lewnis
Faḍma n Sumer
Faḍma n Sumer d tagrawliwt. D
tameṭṭut yezdin lhiba d tissas. Tabɣest, d ayla-s.
Tekker-d d tareqqaqt maca simmal
tettimɣur, simmal tettnerni tfulki-is. Asmi tuweḍ mraw d seddis n yiseggasen,
tibeddi ines, d talemmast; tafekka-s d taččurant; d tuntimt; ma d tikli ines, d
tafessast. Udem-is, d amellal. Tiwjatin-is, d timizwiɣin. Amzur d akbal,
yettaweḍ-as armi d ammas. Ur tḥemmel ara ad tarez-it, tettanef-as iɣelli-d ɣef
tuyat-is. Allen-is d tizegzawin am tegnawt n tefsut, tettcercur seg-sent leḥnana
d tmella.
Tḥemmel ad tels iselsa izewwaɣen,
ssemgaraden-tt ɣef temddukkal-is.
Aucun commentaire:
Enregistrer un commentaire