Ifer n tzizwit - Conte kabyle.
Tamacahut: Ifer n tzizwit
Seg tmucuha n Leqbayel
![Ifer n tzizwit, tamacahut n ugellid yuḍnen d yelli-s d yilemẓi. L'aile d'abeille - conte kabyle. Le roi, sa fille et le brave jeune Ifer n tzizwit, tamacahut n ugellid yuḍnen d yelli-s d yilemẓi. L'aile d'abeille - conte kabyle. Le roi, sa fille et le brave jeune](https://blogger.googleusercontent.com/img/b/R29vZ2xl/AVvXsEgoOj_NP-tvjeAQo90aQUfi9NEzFHYbP1A22S3zQXTM2P6oS_oeew50uPtCJxO76-fOhW1sfoPoN2mMopQz22RD28xgma8k9pGQbCa__fZW8-Qa5mFsywb_PBIzXkWPHJHxnkvb6m5AIJ8/w400-h300/Ifer+n+tzizwit%252C+tamacahut+n+ugellid+yu%25E1%25B8%258Dnen+d+yelli-s+d+yilem%25E1%25BA%2593i.++L%2527aile+d%2527abeille+-+conte+kabyle.+Le+roi%252C+sa+fille+et+le+brave+jeune.webp)
Amacahu! Ṛebbi ad tt-yesselhu, ad tiɣzif amzun d asaru!
Zik-nni, yella yiwen n ugellid temmut-as tmeṭṭut-is, yesɛa kan yiwet n teqcict, tzad di tfulki, ayyur deg yigenni nettat di lqaɛa.
Yiwen wass, yehlek ugellid, yeɣli-d fell-as waṭṭan. Tnuda-d akk yelli-s imsujjiyen n tmurt ur d-tufi win i as-yufan ixef-is. Tsegrew-d at tmurt-is, tṛeggem-asen; win ara isejjin baba-s ad tt-yaɣ yernu ad terr-it d agellid. Yeṭṭef yiwen yilemẓi abrid-is ɣer umɣar azemni yenna-as-id: "Ruḥ ɣer udrar n tteryel ad tafeḍ ifer n tzizwit ad yili d asafar ara t-isejjin" Tanezzayt, yekker yilemẓi iruh ɣer udrar n tteryel, iɛuss-itt ass kamel armi i d-yeɣli yiḍ. Yeǧǧa-tt armi teṭṭes, iruḥ yeddem-d ifer-nni n tzizwit i yellan deg urebbi-is. Yuwi-t-id i ugellid, fkan-as yečča seg-s, dɣa, yeffeɣ-it waṭṭan.
Ɛeddan wussan, tlul-d tayri gar yilemẓi d yelli-s n ugellid. Yuwel yid-s, gan tameɣra n sebɛa n wussan d sebɛa n wuḍan. Ddren di tumert.
Tamacahut-iw asif, asif, Uwiɣ-tt-id s ddaw n useqqif, uḥdiq ad tt-yefhem ad tt-isif, ma d wayeḍ ad tt-yerr deg rrif.
Aucun commentaire:
Enregistrer un commentaire