Description d'un arbre: l'olivier.
Aglam n useklu, Tazemmurt.
Adlisfus aqbur n uɣerbaz amenzu. Aswir wis semmus.
Tazemmurt Tazemmurt d aseklu yeggten di temnaḍin i d-yezzin i yilel Agrakal. D azamul n talwit. Tazemmurt tḥemmel aṭas n tafat. Ɣur-s tafga d tuntimt. Iferrawen-is d adalen, am unebdu, am tegrest. Tezmer ad tidir aṭas n leqrun. Agummu i d-tettarew tzemmurt qqaren-as azemmur. Tetten-t medden akken d azegzaw neɣ mi ara yuɣal d aberkan. Maca amur ameqqran d iẓid i t-ẓẓaden, tekksen-d seg-s zzit. Medden akk ḥemmlen zzit acku tetten-t yerna ssejjiyen yis-s aṭas n waṭṭanen.
Ass-a, deg umaḍal, llan azal n 600 n yimelyan n tzemrin. Asɣar n tzemmurt, tiɣmi ines d tawraɣt d turɣist, yentem aṭas degmi i t-ssexdamen i usram n waṭas n tɣawsiwin. Ma d tizemrin i d-imeqqin kan akka weḥd-sent di tẓegwa qqaren-asent aẓebbuj. Aẓebbuj-agi ttleqqimen-t medden akken ad yuɣal d tizemrin. D tazemmurti d-yettakken zzit d aẓidan, d aḥlawan; ttseggin-t neɣ ttarran-t i mennaw n tgelliwin neɣ sexdamen-t deg usewwi.
Aucun commentaire:
Enregistrer un commentaire