Ssaḥel - Buzgan - Aglam n wadeg
Seg taddart i wumi d-zzin yiguduyen, tuɣal s’’uẓayer’’ n taddart tamezwarut deg tezdeg, Ssaḥel i d-yezgan deg tɣiwant n Buzgan (anẓul agmuḍan n Tizi Uzzu), tessaweḍ ad tawi Arraz Rabah Aissat n taddart zeddigen n ugezdu, almend n wussisen n yimezdaɣ-is deg wayen yerzan aḥareb ɣef twennaḍt akked ushuski n tellunt tanagdudt.
Kraḍ n yikilumitren i yellan gar taddart n Ssaḥel akked temdint n Buzgan. Nezmer ad nekcem ɣer taddart seg yiwen n ubrid i d-iṣubben. Ssqef n tnezduɣin timezwura, zzin-asent-d yisekla akked yimɣan n ucebbeḥ. Ddaw n ubrid, s amnaṛ n taddart, sersen-d yiwet n tbeḥnuqt i ɛelqen gar tenqelt akked tzemmurt ideg d-yura "Anṣuf Yis-wen ɣer Taddart n Ssaḥel".
Takbabt taɣelnawt daɣen ɛelqen-tt-id. Tiḍwisin n yimɣan n ucebbeḥ ilan iferrawen akked yijeǧǧigen at yiniten yemgaraden zzirgen-ten-id ɣef yiri n ubrid yettawin ɣer taddart, yeldin tawwurt i cbaḥa n ugama. Tezdeg, acebbeḥ yefti deg akk talɣiwin n tseftit deg taddart n Ssaḥel.
Aucun commentaire:
Enregistrer un commentaire