Aḍris agelman - Ɛebban Remḍan
Texte descriptif - portrait
Ɛebban Remḍan ad fell-as yeɛfu Rebbi, d yiwen umeɣras gar yimeɣrasen i d-tefka tmurt n Lezzayer di tallit n umnekcam afransis. Ilul di Larbɛa Nat Yiraten ass 10 di yunyu 1920, yefka tudert-is d asfel ɣef wakal d yimal n tmurt.
Ameɣras-a, d imicbiḥ n wudem, d aččaran, iruḥ ad yeg d imdewwer, allen-is d tilemmasin, ur meqqrit ur mecṭuḥit, ma d tiɣmi wali aɛeqqa n uzemmur. Acebbub d aberkan, anzaren d imecṭaḥ, ma d icenfiren ur zurit ur rqiqit. Ɛebban Remdan, di teddi d aɣezzfan, d aččaran ɣef waya tafekka-s d tuntimt. Yeǧhed d ayen kan, d agrawliw igan annar n umennuɣ amzun d axxam-is, tilelli d ifadden-is.
Ɛebban Remḍan, gar wid iḥemmelen tamurt-is am netta am watmaten-is, yedder di tallit ẓẓayen , laẓ d fad ur t-zgilen, lmut yal ass tḥewwes deg warraw n yiger-is, maca ur yuyis ara, yumen ad d-yas wass ad d-yeflali yiṭij n tumert, ɣef waya yezga d tama tayeffust i yal yiwen yakkaten ɣef yizerfan, yezga d umennuɣ n yal ass, tuggdi yekna-as s tebɣest, i wakken kan ad yidir ugdud azzayri di tmurt n laman. D agrawliw d bu-tissas, yesɛa lhiba d ayen kan, iqubel acengu afransis yal ass, war tuggdi, nnif d lḥerma d afares-is n yal ass, iswi-is agejdan d tilelli d tmunnent n Lezzayer.
Ɛebban Remḍan yefka-d afud d waṭas n rrezg i wakal d tarwa n Lezzayer, almi d asmi yuweḍ ɣer wani ara naweḍ, yemmut ass 27 di duǧember 1957, send timunent n Lezzayer, di leɛmer-is 37 n yiseggasen.
SAƐDI ZUHRA
Tasɣunt Aselmad
Uṭṭun 8 - Yennayer 2021
Aucun commentaire:
Enregistrer un commentaire