Tazemmurt - L'olivier

Tazemmurt - Tugna i udlag n tneɣrit.
L'olivier - Poster pour la décoration de la classe.
Olive tree - Poster for Classroom, decoration.

    Tazemmurt, d aseklu n twacult n Oleaceae. Tmeqqi-d deg temnaḍin i d-yezzin i yilel agrakal, tesɛa tafga tumtint. Tḥemmel aṭas n tafat, Iferrawen-is ur ɣellin ara; am unebdu am tegrest, zgan d izegzawen, tǧuǧǧug deg tefsut. Llant kra n tzemrin i d-imeqqin kan akka weḥd-sent deg tẓegwa, qqaren-asent aẓebbuj (aḥeccad). Qqaren-d, tzmer ad tidir tzemmurt uger n lqern (arma d 3000 n yiseggasen).

    Asɣar n tzemmurt sserɣayen-t deg tegrest mi ara yiqsiḥ usemmiḍ. Agummu-is d azemmur i d-yettaken zzit n uzemmur. Alqaḍ-is ibeddu s umata deg tuber, yettfakka deg meɣres neɣ deg yebrir, tettemgarad tallit-agi almend n lɣella n useggas-nni. Zzit n uzemmur tesɛa aṭas n yibaɣuren i tezmert n umdan. Tettḥarab ɣef waṭas n waṭṭanen am lkunsir, aṭṭan n ssker d “la tension”, aṭṭanen yekkaten ɣer wul am kulistirul. Am wakken telha daɣen i tɛebbuḍt, i ultaf (adhan) d waṭas n yibaɣuren niḍen.

    Azemmur, meqqer wazal-is ɣer Leqbayel meṛṛa, d agerruj ur nettfakka, ɣef waya yuwi-d ad nesseḥbiber fell-as.

Yenna umedyaz deg wawal-is:

D azemmur leqden-iyi-d

Ɣef zzit-iw i d iyi-hemmlen

Ɣef zzit-iw i d iyi-hemmlen

Zzit-iw d ddwa n uqbayli

Ad yedhen ad yessissen

Anida yedda ad tt-yawi

Zdek Mulud