Tamurt n Yigawawen
Aḍris agelman
Aglam n wadeg
Win iran ad yissin tamurt n Yigawawen, yers seg Tizi-wezzu. Ad yaɣ abrid-nni yessawnen, yennḍen, gar yimɣan yessedhuyen allen d yijeǧǧigen yettaken talwit i yixef, am wuzzu d waḥrir, akermus d uzemmur.
D abrid ɣer Tigzirt, tamdint d-yezgan ɣer yilel, yessewhamen s tezdeg-ines. Kra n tsigar mazal beddent ar ass-a, d inagan ɣef tallit n Rruman. Rrif n yilel ɣer usammer, ad yaweḍ s Aẓeffun. Din ad yaf asagen n ṣṣyada.
Mi ara d-yuɣal seg Uẓeffun, yekk ɣef Yiεeẓẓugen, abrid-is ɣer Micli i d-yezgan azal n 1080 m di leεli ; ssyin ara iẓer Lalla Xdiǧa, taqacuct n Ǧerǧer. Din ay ẓeṭṭen tirakniwin n waɣzen.
Deffir n Micli, d Larebεa n At Yiraten ara t-id-yemmagren ; agadir-nni n zik irennun ccbaḥa i tudrin i as-d-izzin d yiɣezran yettawin ɣer wasif n Sabaw. Tama-s d Icerriḍen ideg yeḍra umennuɣ mgal amnekcam afransis deg 1897. At yani, tamurt n uẓref, yewwi-d ad yerzu ɣur-s, win yebɣan ad yissin tamnaḍt-a.
Tamurt n Yigawawen d ul n Lezzayer. Deg-s ilel, deg-s idurar. Agama ines yettak tafat i wallen d tezmert i yifadden. Ɣas tessemlellay anerzaf, tessegray-as-d tezdeg n tfekka d yiman.
Ǧamal Mexnaci,
Parcours Maghébins , sb 12
Aucun commentaire:
Enregistrer un commentaire