Texte descreptif
Tamɣart n Setti
Aḍris: aglam n umdan
Tugna tamezwarut i d-yettasen ɣer wallaɣ, mi ara tt-id mmektiɣ, d tin n umdan ur tessexleɛ tudert. D tin n umdan urǧin yessin tugdi yurzen talsa, s laẓ-is d tedyanin-is.
Ulac ula d yiwen n uwellih deg wudem-is ara d-yemmlen d aken terfa neɣ tenneɣna. Inezgumen-is akk, ɣas gten, ur ten- teǧǧi ad d-fflen.
Udem-is yeqqim amzun d win n tlemẓit acku iɣeblan ur as-zmiren ara ad tt-sseɣlin. Ula d allen-is ɣef yezga taẓẓult mmalent-d angar talwit. Imi-s d awezɣi ad d-yeffeɣ seg-s wawal izelgen neɣ wawal ara yessujayen win yuḍnen.
Setti ur tessin ulac. Yella d awal yezgan ɣef yiles-is ɣer ugellil, neɣ ɣer umattar ney ɣer inebgi. Imdanen akk s wazal-nsen s tunet-nsen deg ddunit. Degmi ur tezmir ara ad tagi i yiwen mi ara d-yessuter deg-s tagella.
Ayen iyi-yettaǧǧan tweḥḥideɣ deg-s, d tiktiwin-is ɣef medden. Mi ara as-inin wihin yuker, wihin yeǧǧa arraw-is, wihin d aqemmar werǧin ad d-tuwet deg-s. Awal-is yiwen: « Meskin, neɣ irad-itt Rebbi fell-as neɣ ah! A Rebbi suref-asen ».
MEKSEM Zahir
Document d’accompagnement,
Timlilit n 15 ar 17 mayyu 99 Bgayet
Aucun commentaire:
Enregistrer un commentaire