Targit - Aglam n wadeg s tikli - Sabrina SLIMI

Sabrina - SLIMI Aglam n wadeg s tikli
Targit

    Yiwen wass, yuwi-iyi yiḍes-iw ɣer yiwen wadeg urǧin ẓriɣ di ddunit. D taddart, d tameẓẓyant, ah ! Lukan ad tt-teẓrem acḥal i tecbeḥ !

    Lqaɛa-s d tazedgant, teṣfa am tegnawt n tefsut, zzint-as-id tjeǧǧigin si mkul ṣṣenf tennecraḥ am twacult mi ara temlil. ḍefreɣ abrid d asawen, mugreɣ-d tala, aman-is ttiriqen am uẓref, bninit. Deffir-s, zzin-as-d yixxamen, wa sdat wa, myenṭaḍen, mqaraben, ttbinen-d si lebɛid bḥal iserdasen mi ara mseḍfaren. Tewwi-iyi leɛqel-iw, yeqqar-d wul-iw : i win ara ikecmen ɣur-s ad tt-id-iẓer !?

    Deg ubrid-iw, yiwen ur yelli, tezdeɣ-itt tsusmi, ikcem lxuf ul-iw, deg wakken tasusmi-nni texdem-d rrehba deg wul-iw. Taswiɛt kan, ḥulfaɣ i yiwen isers-d afus-is ɣef tayet- iw, frawseɣ ! Zziɣ ar deffir s lḥir, ufiɣ argaz d aɣezzfan, allen-is d tiqahwiyin, wehmeɣ, d aselmad-w i d-yeddan di targit-iw. Yenna-yi-d : a yelli, ur tettu ara ayen iɣef kem- weṣṣaɣ.

Sabrina SLIMI, aɣerbaz alemmas , AT KSILA .

Aseqɛed d mass : ZEERUQ RAFIQ .

Tasɣunt ASELMAD uṭṭun wis 8. Yennayer 2021