Affichage des articles dont le libellé est Timseḍsa. Afficher tous les articles
Affichage des articles dont le libellé est Timseḍsa. Afficher tous les articles

Djehha et son âne, Auguste Moulieras

Iḍrisen , Timseḍsa
Djehha et son âne, Auguste Moulieras

Ǧeḥḥa d uɣyul-is. Aḍris ullis, d tamseḍsut.

Djehha et son âne. Texte narratif - humour / blague:


 Am yal tikkelt, ǧeḥḥa yettaɛraḍ ad isellek aqerruy-is s kra n tiḥerci. 

Seg : Auguste Moulieras.
Les fourberies de Si Djeha
 Ǧeḥḥa d uɣyul-is.
Blague pour jeune, humour berbère, Djehha et son ane. Tamseḍsut Ǧeḥḥa d uɣyul-is

            Yiwwas, iruḥ ɣur-s yiwen, yenna-as: “A Si Ǧeḥḥa, rḍel-iyi-d aɣyul-ik” Yenna-as: “Ay ameddakel, aɣyul-iw ulac-it da”. Urɛad ifukk ameslay, yesla-as i uɣyul ijehheq, yenna-as:”Aɣyul a-t-a da a Si Ǧeḥḥa”. Yenna-s Si Ǧeḥḥa: “Amek, ad tamneḍ deg uɣyul, ur tettamneḍ ara deg-i! Nekk d argaz d ameqqran, tamart-iw tcab”.
Plus de détails »
By Aucun commentaire:
Tags: , ,

Ǧeḥḥa d sin yimakaren, akked uɣyul - Tamseḍsut

Iḍrisen , Timseḍsa
Ǧeḥḥa d sin yimakaren, akked uɣyul - Tamseḍsut

Djehha et l'âne, et les deux voleurs.
Ǧeḥḥa akked uɣyul, d sin yimakaren - Tamseḍsut

Djehha et l'âne, et les deux voleurs. Ǧeḥḥa akked uɣyul, d sin yimakaren

    Iruḥ yiwen wass Ǧeḥḥa ɣer ssuq, yuɣ-d aɣyul icudd-it-id s umrar la t-id-yezzuɣur.

    Tebɛen-t-id sin yimakaren. Iruh yiwen yefsi-d amrar-nni, iga-t i temgarḍt-is, wayeḍ yeṭṭef aɣyul-nni, yerwel yis-s mebla ma ifaq Ǧeḥḥa. La ileḥḥu abrid, abrid, cwiṭ kan yezzi ɣer deffir, dɣa iwala d amdan i icudden ɣer umrar-nni mačči d aɣyul, yewhem, dɣa, yenna-as: Anda-t uɣyul-nni? Yerra-as-d winna: d nekk. Yenna-as Ǧeḥḥa: Amek akka yeɛni? Yenna-as: Ur ttaɣeɣ ara awal i yemma dɣa tedɛa-iyi, tenna-d: ad ak- yerr Ṛebbi d aɣyul. Mi d-ukiɣ ssbeḥ ufiɣ-d iman-iw d aɣyul, dɣa, tuwi-iyi ɣer ssuq, tessenz-iyi i winna uɣur iyi-d-tuɣeḍ. Ma tura aqel-i ad ḥemdeɣ Ṛebbi imi iyi-tsemmeḥ yemma uɣaleɣ-d d amdan. Yenna-as Ǧeḥḥa: Ceyleleh a ddunit, amek ad k-sqedceɣ kečč d amdan! Ruḥ ddu d ubrid-ik. Yefsi-as amrar-nni, yenna-as: maɛna ɣur-k ur tettaɣeḍ ara awal i yemma-k! Yerfed allen-is s igenni yenna: ad d-yefk Ṛebbi xir n wayen iyi-yekkes.

    Tezzi-d ddurt, yuɣal Ǧeḥḥa ɣer ssuq ad d-yaɣ aɣyul, dɣa, yufa aɣyul-nni i d-yuɣ ddurt iɛeddan. Yuẓ ɣur-s, imekken imi-s ɣer umeẓẓuɣ-is, yenna-as: ay amcum, yak nniɣ-ak aɣ awal i yemma-k, ɣur-k ad tt-tesserfuḍ! Ccah deg-k, tuklaleḍ ayen yeḍran yid-k.

Saɛid Buda, ass n 6 di yunyu 2016.
Seg uɣmis “La dépêche de Kabylie”
Plus de détails »
By Aucun commentaire:
Tags: , ,

Taqeccabit n Ǧeḥḥa - Tamseḍsut s tmaziɣt

Iḍrisen , Timseḍsa
Taqeccabit n Ǧeḥḥa - Tamseḍsut s tmaziɣt

Aḍris ullis - Taqeccabit n Ǧeḥḥa - Tamseḍsut s tmaziɣt
Adlisfus aqbur n uɣerbaz amenzu. Aswir wis semmus. Sb. 18

Blague pour jeune, humour berbère, blague kabyle, Djehha et son bournous. Tamseḍsut taqeccabit n Ǧeḥḥa




    Ǧeḥḥa, yeɛya deg taddart-is. Iruḥ ad yezdeɣ deg temdint. Yuɣ dinna yiwen uxxam de uzaduɣ. Iṣaḥ-it-id wannag wis mraw, yal mi ara d-iḍill d akessar yettemlelluy.


Yiwen wass, yessared taqeccabit-is. Yebɣa ad tt-yefser deg ubalku, maca yuggad ad d-yeɣli. Icudd iman-is s umrar deg wammas, icudd amrar-nni ɣer ufus n tewwurt, yeffeɣ, yefser-itt. Cwiṭ kan, yekker-d waḍu, yuwi-as taqeccab-it-is. Ǧeḥḥa yebrek deg uxxam, yeqqar-as: “Lḥemdu Lleh mi selkeɣ i twaɣit.” Yuɣal yefra-tt ad yuɣal ɣer taddart-is: ur yezmir ara ad yeqqim deg temdint, netta yuɣen tanummi d tɣezza d yiɛerqyab.

Asmi yuɣal ɣer tmurt-is, yenced-d akk at-taddart-is ɣer tmeɣra, ad ččen imensi: seksu s uksum n yikerri. Usan-d akk medden ferḥen-as, maca yiwen ur yeẓri ɣef wacu i yexdem tameɣra. Yal wa amek i as-yeqqar: “ɛni d axḍab i d-yexḍeb? neɣ d zzwaǧ i yezweǧ?”. Mi tefra tmeɣra, yenṭeq ɣur-s ccix n taddart, yenna-as: “Tanemmirt-ik a Ǧeḥḥa, ad ak-ibarek Ṛebbi. Maca … tzemreḍ ad aɣ-id-tiniḍ ayɣer i txedmeḍ tameɣra?

Yenna-asen: “Ayɣer, Iḥqa qrib mmuteɣ, acu-t wass-nni.”
Nnan-as:”Amek?”
Yenna-asen: “Asmi akken zedɣeɣ deg temdint, d Ṛebbi i iyi-isellken, qrib i iyi-tenɣa tqeccabit-iw.
- Amek qrib i k-tenɣa tqeccabit-ik?!


- Ih! Qrib mmuteɣ daxel n tqeccabit-iw ih, fesreɣ-tt deg ubalku, isuḍ-d waḍu yuwi-tt. Ccwi kan ur lliɣ ara daxel-is; a tilli … tilli iɛedda lqecc-iw.
Plus de détails »
By Aucun commentaire:
Tags: , ,

Amesmar n Ǧeḥḥa - Tamseḍsut - Auguste Moulieras

Iḍrisen , Timseḍsa
Amesmar n Ǧeḥḥa - Tamseḍsut - Auguste Moulieras

Aḍris ullis, tamseḍsut.
Amesmar n Ǧeḥḥa - Le clou de Djehha.

Auguste Moulieras. Seg:
Les fourberies de Si Djeha.

Amesmar n Ǧeḥḥa - Tamseḍsut - Auguste Moulieras

        Yiwen wass, Ǧeḥḥa yessenz axxam-is axaṭer yeḥwaǧ idrimen. Yuɣ-it yiwen fell-as. Yenna-as Ǧeḥḥa: “Ha-t-a-n ssenzeɣ-ak axxam, lameɛna ay ameddakkel, amesmar-agi yellan yenta di lḥiḍ, ur ak-t-ssenzeɣ ara! Ad yeqqim d ayla-w! Ɣur-k ass-a azekka ad d-tiniḍ tessenzeḍ-iyi ula d amesmar! Axxam tura inek, ma d amesmar ad yeqqim inu”. Yenna-as-d winna yuɣen axxam: “Yelha a Ǧeḥḥa, qebleɣ, axxam d ayla-w, ma d amesmar d ayla-k!”

        Amsaɣ-nni yeḥseb deg wul-is: “kellxeɣ-t, axxam uɣeɣ-t s rrxa, amesmar-agi ur iyi-yerzi ara! Acu ara yexdem yis-s!” Ǧeḥḥa, iruḥ ɣer yemma-s, yenna-as: “A yemma, acḥal aya nekkni nettɣimi i laẓ, ha-t-a-n ass-a ssenzeɣ axxam nneɣ ad naf s way-s ara d-naɣ ad nečč!” Tenna-as yemma-s: “Annaɣ a mmi, tessenzeḍ axxam! Laẓ yezga yenɣa-aɣ, tura ad nernu ad neggan di lexla!” Yenna-as Ǧeḥḥa: “A yemma, ur ttaggad, ur nettɣimi ara i usemmiḍ d ugeffur, ẓriɣ amek ara d-rreɣ axxam!...”
Plus de détails »
By Aucun commentaire:
Tags: , ,

Lemmed Tamaziɣt: KEBIR Busseɛd, timsirin d yiluɣma

Amawal , Idlisen
Lemmed Tamaziɣt: KEBIR Busseɛd, timsirin d yiluɣma

Adlis: Lemmed Tamaziɣt, sɣur Mass KEBIR Busseɛd

Adlis Lemmed Tamaziɣt n Mass KEBIR Busseɛd. Ad tafem deg udlis-agi timsirin, iluɣma, tririyin, inzan, isefra, iḍrisen, amawal… Livre Cours de tamazight kabyle, KEBIR Boussad, cours, exercices, réponses, dictons, poèmes, textes, lexique …




Ad tafem deg udlis-agi:
- 30 n temsirin.
- 100 n yiluɣma + tririyin.
- Inzan.
- Isefra.
- Iḍrisen.
- Amawal.

Plus de détails »
By Aucun commentaire:
Tags: , , , , , , ,